अल्पवयीन मुलीला निर्जनस्थळी नेऊन दोघांनी केला अत्याचार
रोखठोक न्युज वार्ताहर
केज तालुक्यातील घटना, २ अनोळखींवर गुन्हा एका अल्पवयीन मुलीस निर्जनस्थळी नेऊन दोन अनोळखींनी अत्याचार केला. ही घटना केज तालुक्यातील एका गावात उघडकीस आली. याप्रकरणी दोघांवर केज पोलिस ठाण्यात अत्याचार व पोस्कोचा गुन्हा दाखल झाला आहे.
केज तालुक्यातील एका गावातील १४ वर्षांची मुलगी परजिल्ह्यात शिक्षण घेत असून ती आपल्या गावी आली होती. अनोळखी दोघांनी तिला
निर्जनस्थळी नेत तिच्यावर अत्याचार केला. या प्रकाराने घाबरून गेलेल्या पीडित मुलीने आई – वडिलांना ही माहिती सांगताच पीडित मुलीच्या वडिलांनी ठाण्यात धाव घेतली. पोलिस निरीक्षक प्रशांत महाजन यांच्यासमोर पीडित मुलीने तिच्या सोबत घडलेल्या अत्याचाराची माहिती दिली. पीडित मुलीच्या वडिलांच्या तक्रारीवरून अज्ञात दोघांविरुद्ध अत्याचार व पोस्कोचा गुन्हा दाखल करण्यात आला आहे. पिंक पथकाचे फौजदार प्रकाश शेळके पुढील तपास करत आहेत.