ट्रक खाली कार घुसली, भीषण अपघात चालक जागीच ठार.
एकास उपचारा साठी लातूर ला हलवले.
रोखठोक न्युज वार्ताहर
केज पासून सात ते आठ किलोमीटर अंतरावर असलेल्या कोरेगाव फाट्यावरील पुलाच्या अलीकडे ट्रक व कारचा पहाटेच्या वेळी भीषण अपघात झाला. यामध्ये चालक गणेश त्रिंबक गांवडे वय 48 रा.मलकापूर हरिकिरण सोसायटी जि.बुलढाणा जागीच ठार झाला आहे तर सुखदेव बंडू ठोकर वय 55 जखमी झाला असून त्याला पुढील उपचारा साठी लातूर येथे हलवले आहे
केज मांजरसुंबा रोडवरील कोरेगाव पाटीजवळ असलेल्या पुलाच्या अलीकडे वळणावर पहाटेच्या सुमारास टोमॅटो घेऊन जाणारा ट्रक आणि कारचा अपघात झाला. सदरील अपघातात कार ट्रकच्या पूर्णपणे खाली अडकून पडलेली आहे. आणि त्यामध्येच चालकही दबलेला आहे. तर अन्य एक जण उपचारासाठी तिथून हलवण्यात आला आहे.सदरील घटनेची माहिती मिळताच 108 चे डॉ. शाखेर शेख व पायलट अर्जुन बारगजे हे घटनास्थळी पोहोचले परंतु चालक हा पूर्णपणे कार मध्ये अडकला असल्याने त्याचा जागीच मृत्यू झाल्याचे निदर्शनास येत आहे.दरम्यान सदरील अपघात नेमका कसा झाला हे अद्याप स्पष्ट झाले नसली तरी अपघातातील मृत आणि जखमी हे मलकापूर जिल्हा बुलढाणा असल्याचे त्या ठिकाणी बोलल्या जात आहे.