ट्रक दुचाकीचा भीषण अपघात एक जागीच ठार.
रोखठोक न्युज वार्ताहर
धुळे सोलापूर राष्ट्रीय महामार्गावर ट्रक आणि दुचाकीचा भीषण अपघात झाल्याची घटना घडली असून, या भीषण अपघातात दुचाकी स्वराचा दुर्दैवाने जागीच मृत्यू झाला आहे. तसेच त्याच्या दुचाकीचे दोन तुकडे झाले आहेत.
बीड तालुक्यातून गेलेल्या धुळे सोलापूर राष्ट्रीय महामार्गावर चौसाळा पारगाव परिसरात, आज मंगळवार दिनांक 16 जुलै रोजी, सकाळी भरधाव वेगात आलेल्या ट्रक ने दुचाकी स्वराला जोराची धडक दिली. यामध्ये दुचाकी स्वराचा जागीच मृत्यू झाला. त्याच्या डोक्यातून मोठा रक्तस्त्राव बाहेर पडला. हा अपघात एवढा भीषण होता की, त्याच्या दुचाकीचे दोन तुकडे झाले. यावेळी वाहनधारकांची प्रवाशांची मोठी गर्दी जमली होती. लांबपर्यंत वाहनांच्या रांगाच रांगा लागलेल्या होत्या. बाळासाहेब दिलीप भोसले वय 26 वर्ष असे त्या अपघातातील मयताचे नाव आहे. सदर घटनेची माहिती मिळताच तात्काळ घटनास्थळी पोलीस दाखल झाले होते. सदर घटनेने परिसरात मोठी केली जात आहे. याचा पुढील तपास नेकनूर पोलीस करत आहेत.