रात्रीच्या वेळी पैसे, दुचाकी लुटणाऱ्या तिघांना ग्रामस्थांनी पकडले. 

रात्रीच्या वेळी पैसे, दुचाकी लुटणाऱ्या तिघांना ग्रामस्थांनी पकडले. 

सारणी सांगवी येथील प्रकारः गुन्हा दाखल

रोखठोक न्युज वार्ताहर 

रात्रीच्या वेळी घरासमोर दुचाकी लावत असलेल्या तरुणाच्या खिशातील ५ हजार रुपये बळजबरीने काढून घेत हॅण्डल लॉक तोडून दुचाकी घेऊन निघालेल्या तिघांना लोकांनी पाठलाग करीत पकडून पोलिसांच्या स्वाधीन केले. ही घटना केज तालुक्यातील सारणी सांगवी येथे घडली असून याप्रकरणी तिघांविरुद्ध गुन्हा दाखल झाला आहे.

केज मांजरसुंबा रस्त्यावरील सारणी (सां.) येथील पंढरी त्रिंबक घोळवे हा तरुण १३ जुलै रोजी रात्री १० वाजता त्याची दुचाकी (एम.एच. ४४ जे. ९३८३) घरासमोर उभा करत असताना मांजरसुंब्याकडून दुचाकीवर आलेल्या अनोळखी तिघांनी जीवे मारण्याची धमकी देत त्यांच्या खिशातील ५ हजार रुपये बळजबरीने हिसकावून घेतले. त्यानंतर एकाने त्यांच्या दुचाकीचे हॅण्डल लॉक तोडून दुचाकी घेऊन जाण्याचा प्रयत्न करीत असताना पंढरी घोळवे यांनी आरडाओरड केला. याचवेळी त्यांचे शेजारी दत्तात्रय अशोक घोळवे, चंद्रकांत अशोक घोळवे, प्रदीप शिवाजी घोळवे व इतर लोकांनी त्यांचा पाठलाग करीत तिघांना पकडले.

पकडलेल्या तिघांकडे नाव व गावाची विचारणा केली असता त्यांनी आवेज ऊर्फ खाजा शेख (रा. केज), अनिकेत भारत जाधव (रा. बोबडेवाडी), जुबेर मुस्ताक फारुकी (रा. रोजा मोहल्ला, केज) अशी सांगितली. त्यानंतर त्यांनी पोलिसांशी संपर्क साधून त्या तिघांना पोलिसांच्या स्वाधीन केले.

पंढरी घोळवे यांच्या तक्रारीवरून आवेज ऊर्फ खाजा शेख, अनिकेत जाधव, जुबेर फारुकी तिघांविरुद्ध केज पोलिसात गुन्हा दाखल झाला आहे. जमादार उमेश आघाव हे पुढील तपास करीत आहेत

रात्रीच्या वेळी पैसे, दुचाकी लुटणाऱ्या तिघांना ग्रामस्थांनी पकडले.
सारणी सांगवी येथील प्रकारः गुन्हा दाखल
रोखठोक न्युज वार्ताहर
रात्रीच्या वेळी घरासमोर दुचाकी लावत असलेल्या तरुणाच्या खिशातील ५ हजार रुपये बळजबरीने काढून घेत हॅण्डल लॉक तोडून दुचाकी घेऊन निघालेल्या तिघांना लोकांनी पाठलाग करीत पकडून पोलिसांच्या स्वाधीन केले. ही घटना केज तालुक्यातील सारणी सांगवी येथे घडली असून याप्रकरणी तिघांविरुद्ध गुन्हा दाखल झाला आहे.

केज मांजरसुंबा रस्त्यावरील सारणी (सां.) येथील पंढरी त्रिंबक घोळवे हा तरुण १३ जुलै रोजी रात्री १० वाजता त्याची दुचाकी (एम.एच. ४४ जे. ९३८३) घरासमोर उभा करत असताना मांजरसुंब्याकडून दुचाकीवर आलेल्या अनोळखी तिघांनी जीवे मारण्याची धमकी देत त्यांच्या खिशातील ५ हजार रुपये बळजबरीने हिसकावून घेतले. त्यानंतर एकाने त्यांच्या दुचाकीचे हॅण्डल लॉक तोडून दुचाकी घेऊन जाण्याचा प्रयत्न करीत असताना पंढरी घोळवे यांनी आरडाओरड केला. याचवेळी त्यांचे शेजारी दत्तात्रय अशोक घोळवे, चंद्रकांत अशोक घोळवे, प्रदीप शिवाजी घोळवे व इतर लोकांनी त्यांचा पाठलाग करीत तिघांना पकडले.

पकडलेल्या तिघांकडे नाव व गावाची विचारणा केली असता त्यांनी आवेज ऊर्फ खाजा शेख (रा. केज), अनिकेत भारत जाधव (रा. बोबडेवाडी), जुबेर मुस्ताक फारुकी (रा. रोजा मोहल्ला, केज) अशी सांगितली. त्यानंतर त्यांनी पोलिसांशी संपर्क साधून त्या तिघांना पोलिसांच्या स्वाधीन केले.

पंढरी घोळवे यांच्या तक्रारीवरून आवेज ऊर्फ खाजा शेख, अनिकेत जाधव, जुबेर फारुकी तिघांविरुद्ध केज पोलिसात गुन्हा दाखल झाला आहे. जमादार उमेश आघाव हे पुढील तपास करीत आहेत.

.