रस्त्यावर उभ्या असलेल्या ट्रकची ताडपत्री फाडून चोरी
रोखठोक न्युज
गौतम बचुटे/केज :- केज येथील विश्राम गुहा समोर रस्त्यावर उभ्या असलेल्या ट्रकची ताडपत्री फाडून त्यातील सौंदर्य प्रसाधने व इंधनाची चोरी झाली आहे.
या बाबतची माहिती अशी की, गुजरात राज्यातील वापी येथून सौंदर्य प्रसाधने व इतर साहित्य घेऊन आलेला ट्रक क्र.(एम एच-०३/डी व्ही-२६१९) केज हा विश्राम गुहा समोर रस्त्यावर उभा असताना दि.२८ जानेवारी ते २९ जानेवारी रोजी पहाटेच्या दरम्यान ट्रकची ताडपत्री फाडून त्यातील सौंदर्य प्रसाधने व इंधनाची चोरी झाली आहे.
या बाबत प्रभारी पोलीस अधिकारी पोलीस उपनिरीक्षक वैभव सारंग यांच्या मार्गदर्शनाखाली सहाय्यक पोलीस उपनिरीक्षक बाळासाहेब रोडे आणि त्रिंबक सोपणे हे तपास करीत आहेत.