मनोज जरांगे-पाटील यांच्या संवाद सभेत शेकाप नेत्याच्या खिशातून १७ हजार ५०० चोरीला
रोखठोक न्युज वार्ताहर
केज येथील शेकापचे पदाधिकारी मोहन दत्तू गुंड हे १४ मार्च रोजी स मुक्ताई फंक्शन हॉलमध्ये मनोज जरांगे यांच्या संवाद सभेच्या नियोजनासाठी गेले होते. दुपारी १२ वाजता मनोज जरांगे हे आले असता त्यांना मोहन गुंड हे इतर सहकाऱ्यांसह गेटवरून स्टेजवर घेऊन गेले. सभेनंतर कार्यक्रमासाठी आलेल्या कलाकारांना त्यांचे मानधन देण्यासाठी मोहन गुंड यांनी पँटच्या पाठीमागील खिशात ठेवलेले पैसे काढण्यासाठी खिशात हात घातला. मात्र गर्दीचा फायदा घेत अज्ञात चोरट्याने त्यांच्या खिशातील १७ हजार ५०० रुपये काढून घेतल्याचे दिसून आले. मोहन गुंड यांनी दिलेल्या तक्रारीवरून अज्ञात चोरट्याविरुद्ध केज पोलिसात गुन्हा दाखल झाला आहे. जमादार श्रीकांत चौधरी हे तपास करीत आहेत.