तरुणाने होर्डिंगच्या खांबाला घेतला गळफास
रोखठोक न्युज वार्ताहर
शहरातील बार्शी रोडवरील जाहिरात करण्यासाठी लावलेल्या मोठ्या होर्डिंगच्या खांबाला दोरीने गळफास घेऊन एका तरुणाने आत्महत्या केली. ही घटना सोमवारी दुपारी चार वाजेच्या सुमारास उघडकीस आली. या घटनेची माहिती मिळताच पोलिसांनी धाव घेतली. मृतदेह खाली उतरवून तो जिल्हा रुग्णालयात नेण्यात आला. या तरुणाचे वय अंदाजे २५ वर्षे असून त्याची ओळख पटविण्याचे काम रात्री उशिरापर्यंत सुरू होते. याप्रकरणी ठाण्यात नोंद नव्हती.