वकील पत्र घेतल्याने महिला वकीलास चाकुने मारहाण केली
रोखठोक न्युज वार्ताहर
अंबाजोगाईच्या न्यायालयाच्या गेटसमोर घडली घटना; तीन आरोपी विरोधात गुन्हा दाखल
आमच्या भावजईचे वकील पत्र का घेतले या कारणावरून एका महिला वकीलास न्यायालयाच्या गेटमध्ये आडवून सदरील महिलेस शिवीगाळ करत चाकुने कानावर मारहाण करून खिशातील १२०० रू. काढून घेतल्याचा प्रकार घडला आहे. या प्रकरणी तीन आरोपी विरोधात अंबाजोगाई पोलीस ठाण्यात गुन्हा दाखल करण्यात आला आहे.
उपासना विजयसिंग परिहार या अंबाजोगाई कोर्टामध्ये वकीली करतात. आमच्या भावजईचे वकीलपत्र का घेतले म्हणुन त्यांना किशोर भानुदास भालेकर व
इतरांनी न्यायालयाच्या गेट समोर आडवत लाथा बुक्क्याने मारहाण करून त्यांच्या उजव्या कानाला चाकु मारला. तसेच लज्जा वाटेल असे कृत्यही करण्यात आले. या मारहाणीत त्या जखमी झाल्या. खिशातील १२०० रु ही काढुन घेतले. या प्रकरणी उपासना परिहार यांच्या फिर्यादीवरून आरोपी किशोन भानुदास भालेकर, अनिता भानुदास भालेकर, पदमिनी संभाजी जोगदंड (रा. सर्व सदर बाजार अंबाजोगाई) यांच्या विरोधात कलम ३२६, ३२७, ३४१, ३५४, ३५४ (अ), ५०४, ५०६,३४ भादंवी प्रमाणे गुन्हा दाखल करण्यात आला आहे.