५१ वर्षीय दिव्यांग, मूकबधिर महिलेवर अत्याचाराची घटना
रोखठोक न्युज वार्ताहर
युसूफवडगाव ठाण्यात एकावर बलात्कार, अॅट्रॉसिटीचा गुन्हा
घरापासून जवळ एकटीच असलेल्या ५१ वर्षीय दिव्यांग व मुकबधिर असलेल्या महिलेवर अत्याचार केल्याची घटना युसुफवडगाव ठाण्याच्या हद्दीतील एका गावात घडली. याप्रकरणी एक जणांविरुद्ध बलात्कार, अॅट्रॉसिटीचा गुन्हा दाखल झाला आहे.
केज तालुक्यातील एका गावातील दिव्यांग व मूकबधिर असलेली ५१ वर्षीय महिला ही घरापासून १०० फूट अंतरावर शेतात १६ एप्रिल रोजी रात्री ९ वाजता एकटीच होती. ती एकटीच असल्याची संधी साधून तिच्या
दिव्यांग व मूकबधिरपणाचा फायदा घेत सुभाष यशवंत कोरडे (रा. केकतसारणी ता. केज) याने तिच्यावर बळजबरीने बलात्कार केला. पीडित महिलेच्या भावाने दिलेल्या फिर्यादीवरून सुभाष कोरडे याच्याविरुद्ध युसुफवडगाव पोलिसात बलात्कार व अॅट्रॉसिटीचा गुन्हा दाखल झाला आहे. या घटनेची माहिती मिळताच सहाय्यक पोलीस अधीक्षक कमलेश मीना व सहाय्यक पोलीस निरीक्षक मच्छिंद्रनाथ शेंडगे यांनी घटनास्थळी भेट देऊन पंचनामा केला. आरोपी सुभाष कोरडे हा फरार असून पुढील तपास सहाय्यक पोलीस अधीक्षक कमलेश मीना हे करीत आहेत.