केज तालुक्यातील वरपगाव येथे शॉक लागून युवकाचा मृत्यू
गौतम बचुटे/केज :- केज तालुक्यातील वरपगाव येथे विजेचा शॉक लागून २६ वर्षीय तरुणाचा मृत्यू झाला आहे.
केज तालुक्यातील वरपगाव येथील संभाजी भक्ताजी बनसोडे वय २६ वर्ष हे सोमवार दि. ११ ऑक्टोबर रोजी सकाळी ९:०० आंघोळ करून घरात जात असताना पाण्याच्या मोटारीचा शॉक लागून जागीच मृत्यू झाला. त्यांच्या पश्चात पत्नी व एक सहा महिने वयाचा लहान मुलगा आहे. घटनेची माहिती मिळताच बिट जमादार पोलीस नाईक राजू गुंजाळ हे घटनास्थळी हजर होऊन त्यांनी उत्तरीय तपासणीसाठी मृतदेह उपजिल्हा रुग्णालय केज येथे हलविला आहे.
