पंकज कुमावत यांची ड्राय-डे असताना दारू विक्री करणाऱ्या दोन बार आणि गुटखा विक्री करणाऱ्यांवर कारवाई
रोखठोक न्युज
गौतम बचुटे/केज :- जिल्ह्यात शिवजयंती निमित्त ड्राय-डे असतानाही बेकायदेशीरपणे बिअर बार उघडून मद्य विक्री केल्या वरून दोन बिअरबार मॅनेजर आणि एका गुटखा विक्रेत्यांवर कारवाई केली.
या बाबतची माहिती अशी की, दि. १९ रोजी रोजी सहाय्यक पोलीस अधीक्षक पंकज कुमावत यांना गुप्त बातमीदारा मार्फत बातमी मिळाली की, छत्रपती शिवाजी महाराज जयंती निमित्त जिल्हाधिकारी बीड यांचे जिल्ह्यात दारूबंदी आदेश लागू असतानाही मौजे धर्मपुरी ता. परळी येथील स्वप्निल बियर बार व पवन बियर बार हे उघडे ठेवून अवैध दारू विक्री करीत आहेत. तसेच त्याचेच बाजूला गोविंद केंद्रे हा इसम गुटखा विक्री करीत आहे. माहिती त्यांनी ही माहिती त्यांचे पथकातील अंमलदार व पोलीस ठाणे अंबाजोगाई ग्रामीण पोलीस उपनिरीक्षक केंद्रे यांना देऊन सदर ठिकाणी जाऊन कायदेशीर कारवाई करण्याचे आदेश दिले. आदेश मिळताच पोलीस उपनिरीक्षक विठ्ठल केंद्रे, पोलीस उपनिरीक्षक बालासाहेब, बाबासाहेब बांगर, बालाजी दराडे, मुकेश खरटमोल, अशोक खेलबुडे, सतीश कांगणे यांनी सदर ठिकाणी जाऊन स्वप्निल बिअर बार व पवन बियर बार ठिकाणी छापा मारला. त्या छाप्यात स्वप्नील बियर बार मधील मॅनेजर रमेश बाबुराव मस्के (रा. ऊजणी) यास ताब्यात घेऊन त्याचे ताब्यातून ३४ हजार ५३५ रुपयाचा माल ताब्यात घेतला. तसेच पवन बार येथील मॅनेजर महादेव बलभीम तारसे (रा. धर्मापुरी) याच ताब्यात घेऊन त्याचे ताब्यातून १३ हजार ९५ रु. चा मुद्देमाल ताब्यात घेतला. तसेच हॉटेल गोविंदाचे बाजूला किराणा दुकानदार गोविंद ज्ञानोबा केंद्रे याचे ताब्यातून गोवा गुटख्याचा माल व नगदी असे एकूण ५४ हजार ५ रुपयाचा माल जप्त केला.
या प्रकरणी परळी ग्रामीण पोलीस ठाण्यात गुन्हा दाखल करण्यात आला आहे.
सदरची कारवाई ही जिल्हा पोलिस अधीक्षक नंदकुमार ठाकूर, सहाय्यक पोलीस अधीक्षक पंकज कुमावत यांचे मार्गदर्शनाखाली पोलीस पोलीस पथकाने केली आहे.
