गौतम बचुटे/केज :- केज तालुक्यातील साळेगाव येथे विजेचा शॉक लागून पंचवीस वर्षे विवाहित तरुणीचा दुर्दैवी मृत्यू झाला आहे.
या बाबतची माहिती अशी की शुक्रवार दि. २६ जानेवारी रोजी सकाळी ११:३० वा. च्या सुमारास अश्विनी युवराज पारखे वय (२५ वर्षे) ही महिला नळाला मोटर लावीत असताना तिला विजेचा शॉक लागून मृत्यू झाला. अश्विनी पारखे हिला ८ महिन्याचा व दुसरा दोन ते अडीच वर्ष वयाची दोन लहान मुले आहेत. आईच्या दुर्दैवी मृत्यूमुळे तिची दोन्ही मुले पोरकी झाली आहेत.
या प्रकरणी प्रभारी पोलीस अधिकारी पोलिस उपनिरीक्षक आनंद शिंदे यांच्या मार्गदर्शनाखाली पोलिस जमादार बाबासाहेब बांगर आणि शिवाजी कागदे हे पुढील कारवाई करीत आहेत.
अश्विनी पारखे हिच्या दुर्दैवी अपघाती मृत्यूमुळे गावात हळहळ व्यक्त होत आहे.
