🔫 दिवसा ढवळ्या बंदूक घेऊन बारमध्ये फोटोशूट! केज तालुक्यात खळबळजनक प्रकार — पोलिसांची भूमिका संशयास्पद?

🔫 दिवसा ढवळ्या बंदूक घेऊन बारमध्ये फोटोशूट!

केज तालुक्यात खळबळजनक प्रकार — पोलिसांची भूमिका संशयास्पद?

✍️ रोखठोक न्यूज वार्ताहर

केज तालुक्यातील एका पोलीस चौकी अंतर्गत येणाऱ्या भागात तीन तरुणांनी बारमध्ये मद्यपान करताना व हातात रिव्हॉल्व्हर (बंदूक) घेऊन फोटोशूट केल्याचे धक्कादायक प्रकार समोर आले आहेत. हे फोटो सध्या सोशल मीडियावर मोठ्या प्रमाणावर व्हायरल होत असून नागरिकांमध्ये अस्वस्थता निर्माण झाली आहे.

या प्रकाराची गंभीर बाब म्हणजे संबंधित पोलीस चौकी अद्याप या तिघांची ओळख पटवू शकलेली नाही. इतकेच नव्हे, तर या घटनेबाबत माहिती असूनही पोलिसांनी अद्याप कोणताही गुन्हा दाखल केलेला नाही. त्यामुळेच पोलीस यंत्रणेच्या भूमिकेवर प्रश्नचिन्ह निर्माण झाले आहे.

👁‍🗨 पोलीस अनभिज्ञ की जाणून-बुजून दुर्लक्ष?

या घटनेवरून स्पष्ट होते की, तालुक्यात कायद्याचे भय उरलेले नाही. दिवसाढवळ्या बारमध्ये मद्यधुंद अवस्थेत रिव्हॉल्व्हर घेऊन फोटोशूट करणं म्हणजे कायदा-सुव्यवस्थेला दिलेला थेट आव्हान आहे.

🛑 मस्साजोग येथील हत्येची पुनरावृत्ती?

अलीकडेच मस्साजोग गावातील सरपंच संतोष देशमुख यांची दिवसाढवळ्या हत्या झाल्याची घटना अजून ताजी असताना, अशा घटना पुन्हा घडण्याची शक्यता नाकारता येत नाही. पोलिसांची निष्क्रियता हा संभाव्य अनर्थाला आमंत्रण ठरू शकतो.

👉 मागणी:

या त्रिमूर्तींची त्वरित ओळख पटवून त्यांच्यावर कडक कारवाई करावी, अन्यथा तालुक्यात कायदा-सुव्यवस्थेची परिस्थिती हाताबाहेर जाऊ शकते.