अभियंता कल्याण बचुटे यांचा सर्वोच्च न्यायालयाचे न्यायमूर्ती मा. अभय ओक यांचे हस्ते सत्कार !
गौतम बचुटे/केज :- भिवंडी न्यायालयाच्या इमारतीच्या उदघाटन प्रसंगी वीज विभागाचे विद्युत शाखा अभियंता आणि बीड जिल्ह्यातील साळेगांव ता. केजचे सुपुत्र कल्याण बचुटे यांचा सर्वोच्च न्यायालयाचे न्यायमूर्ती मा. अभय ओक यांच्या हस्ते सत्कार करण्यात आला.
दि. ५ ऑक्टोबर २०२२ रोजी भिवंडी येथील न्यायालयाच्या नवीन इमारतीचे उदघाटन सोहळा सर्वोच्च न्यायालयाचे न्यायमूर्ती मा. अभय ओक सर यांचे शुभहस्ते संपन्न झाले. या उदघाटन सोहळ्याच्या कार्यक्रमाला मुंबई उच्च न्यायालयाचे न्यायमूर्ती मा. माधव जामदार, न्यायमूर्ती मा.शर्मिला देशमुख, न्यायमूर्ती मा. गौरी गोडसे, जिल्हा न्यायाधीश अभय मंत्री यांच्यासह केंद्रीय मंत्री ना. कपिल पाटील, राज्याचे कॅबिनेट मंत्री ना रवींद्र चव्हाण, जिल्हाधिकारी यांच्यासह विधिज्ञ उपस्थित होते.
या इमारतीच्या विद्युतिकरणाची संपूर्ण जबाबदारी सांभाळणारे विद्युत शाखा अभियंता कल्याण बचुटे यांचा सर्वोच्च न्यायालयाचे न्यायमूर्ती मा. सर्वोच्च न्यायालयाचे न्यायमूर्ती मा. अभय ओक सर यांच्या हस्ते त्यांचा सत्कार करण्यात आला.
कल्याण बचुटे हे बीड जिल्ह्यातील साळेगांव ता. केज येथील सुपुत्र आहेत. त्यांच्या या गौरवा बद्दल ग्रामस्थ आणि तालुकावासीयांत आंनद व्यक्त होत असून त्यांच्यावर सोशल मिडियातून अभिनंदनाचा वर्षाव आहे.
