दोन लाखांचे दागिने बसमधून पळविले
भावाला राखी बांधून आपल्या गावी परत जाणाऱ्या बहिणीचे दागिने पळविले.
रोखठोक न्युज वार्ताहर
केज : भावाला राखी बांधून आपल्या गावी परत जाणाऱ्या महिलेच्या पिशवीतील ज्वेलरी बॉक्समध्ये ठेवलेले दोन लाखांचे दागिने दोन महिलांनी पळविले. ही घटना केज-कळंब बसमध्ये मंगळवारी दुपारी घडली. संशयित अनोळखी दोन महिला सीसीटीव्ही कॅमेऱ्यात कैद झाल्या आहेत. कळंब तालुक्यातील खंडेश्वरी मस्सा येथील स्वाती सुहास नखाते या राखी पौर्णिमेनिमित्त धारूर तालुक्यातील आंबेवडगाव येथे भावाला राखी बांधण्यासाठी गेल्या होत्या. पुन्हा गावाकडे जाण्यासाठी बसमध्ये गेल्या असता केज-कळंब बसमध्ये त्यांच्या पिशवीतील ज्वेलरी बॉक्समध्ये ठेवलेले सोन्याचे पट्टी गंठण, मिनी गंठण, झुंबर जोड आणि २ अंगठ्या असा एकूण दोन लाख रुपयांचे दागिने चोरले. ही बाब लक्षात आल्यानंतर स्वाती नखाते यांच्या फिर्यादीवरून केज पोलिस ठाण्यात दोन अज्ञात महिलांविरुद्ध गुन्हा नोंद करण्यात आला आहे. केज बसस्थानकावरील सीसीटीव्ही कॅमेऱ्यात दोन संशयित महिला दिसत असल्याची माहिती तपासी आमदार त्रिंबक सोपणे यांनी दिली.