केजमध्ये मटका साम्राज्य बिनधास्त! पोलिसांचा धाक संपला की कुणाचा वरदहस्त?
“बंद” असल्याचा दावा… पण शहर-तालुक्यात खुलेआम आकडे फिरतात; नागरिकांत संताप
“फड बंधू” प्रेम डूमने, सुरेश शेठ, अक्षय सरवदे यांच्या नावांची चर्चा — केजमध्ये मटका साम्राज्य बिनधास्त! पोलिसांचा धाक संपला की कुणाचा वरदहस्त?
बातमीतील फोटो: ही चिठ्ठी आजची आहे.
रोखठोक न्यूज वार्ताहर
केज शहर व तालुक्यात मटका धंदा थांबायचं नावच घेत नाही. पोलीस प्रशासनाकडून वारंवार “मटका बंद आहे” असा दावा केला जात असला तरी प्रत्यक्षात शहरातील गल्लीबोळांपासून ग्रामीण भागापर्यंत आकड्यांचा खेळ राजरोस सुरू असल्याची चर्चा जोरात आहे. नव्याने अनेक तथाकथित मालक मैदानात उतरल्याने हा अवैध व्यवसाय पुन्हा डोके वर काढत असल्याचे चित्र दिसत आहे.
स्थानिकांच्या म्हणण्यानुसार, पूर्वी कारवाईनंतर काही काळ शांतता होती; मात्र आता पुन्हा फड उघडपणे चालू झाल्याने प्रशासनाच्या कार्यक्षमतेवर प्रश्नचिन्ह निर्माण झाले आहे. “मटका बंद” हा फक्त कागदोपत्री आदेश आहे का, असा सवाल नागरिक विचारू लागले आहेत.
विशेष म्हणजे फड बंधू, प्रेम डूमने, सुरेश शेठ आणि अक्षय सरवदे यांसारख्या नावांची नव्या मालकांमध्ये जोरदार चर्चा सुरू असल्याने वातावरण अधिकच तापले आहे.स्थानिकांच्या म्हणण्यानुसार, काही काळ कारवाईनंतर अवैध धंदे थंडावले होते; मात्र आता पुन्हा मटका अड्डे सक्रिय झाल्याचे चित्र दिसत आहे. गल्लीबोळात खुलेआम आकडे घेतले जात असल्याने “मटका बंद” हा दावा फक्त कागदावरच आहे का, असा प्रश्न उपस्थित होत आहे.
एकीकडे वरिष्ठ अधिकाऱ्यांनी गुन्हेगारीवर नियंत्रण आणल्याचा दावा केला जातो, तर दुसरीकडे शहर व तालुक्यात रोज लाखोंची उलाढाल होत असल्याच्या चर्चा आहेत. त्यामुळे नेमकं संरक्षण कोण देतंय? स्थानिक पातळीवर कुणाचा आशीर्वाद मिळतोय का? असे गंभीर प्रश्न उपस्थित होत आहेत.
नागरिकांचे म्हणणे आहे की, जर अवैध धंद्यांवर खरोखरच फास आवळला असेल, तर मग खुलेआम चालणारे मटका अड्डे प्रशासनाच्या नजरेतून कसे सुटतात? पोलिसांची भीती संपली का, की काहींना अभय दिलं जातंय — याची सखोल चौकशी होण्याची मागणी आता जोर धरू लागली आहे.
या पार्श्वभूमीवर महाराष्ट्र पोलीस आणि बीड जिल्हा प्रशासनाने ठोस व दृश्यमान कारवाई करून सत्य परिस्थिती जनतेसमोर आणावी, अन्यथा “कारवाई” फक्त घोषणांपुरतीच राहिल्याची भावना अधिक बळावणार आहे.
प्रश्न अजूनही कायम — मटका बंद आहे, की फक्त बंद असल्याचं सांगितलं जातंय?