🛑 सोनिजवळा येथील जलजिवन मिशनमधील अनियमिततेविरोधातील आत्मदहन आंदोलन तात्पुरते मागे ➤ चौकशी समितीतच दोषींना स्थान? ➤ अभियंता साळवे गुत्तेदारास वाचवत असल्याचा आरोप ➤ ९० लाखांची बोगस एमबी? पत्रकारांना उत्तर देण्यास टाळाटाळ!

🛑 सोनिजवळा येथील जलजिवन मिशनमधील अनियमिततेविरोधातील आत्मदहन आंदोलन तात्पुरते मागे

➤ चौकशी समितीतच दोषींना स्थान?

➤ अभियंता साळवे गुत्तेदारास वाचवत असल्याचा आरोप

➤ ९० लाखांची बोगस एमबी? पत्रकारांना उत्तर देण्यास टाळाटाळ!

✍️ रोखठोक न्युज प्रतिनिधी | केज तालुका

सोनिजवळा (ता. केज) येथील जलजिवन मिशन योजनेतील भ्रष्टाचाराविरोधात आत्मदहनाचा इशारा देणारे सामाजिक कार्यकर्ते दशरथ चवरे यांचे आंदोलन तात्पुरते मागे घेण्यात आले आहे. चवरे यांनी कामातील अनियमिततेची तक्रार १९ मार्च २०२५ रोजी मुख्य कार्यकारी अधिकारी, जिल्हा परिषद बीड यांच्याकडे केली होती. मात्र, तक्रारीची दखल न घेतल्याने त्यांनी २ एप्रिल रोजी पंचायत समिती कार्यालयासमोर आमरण उपोषण सुरू केले होते.

🔍 चौकशी समितीत दोषी अधिकारीच?

दशरथ चवरे यांच्या तक्रारीनंतर प्रशासनाने चौकशी समिती गठीत केली, पण धक्कादायक बाब म्हणजे ज्या अधिकाऱ्यांवर आरोप आहेत, त्यांचाच समावेश चौकशी समितीत करण्यात आला. त्यामुळे कारवाई होण्याऐवजी गुत्तेदाराला वाचवण्याचा प्रकार सुरू असल्याचा आरोप करण्यात आला आहे.

🧾 ९० लाखांची बोगस एमबी?

गावकऱ्यांच्या मते, या योजनेत तब्बल ९० लाखांची बनावट मोजणी पुस्तिका (एमबी) तयार करून निधी गुट्टेदारास दिला गेला. पत्रकारांनी याबाबत प्रश्न विचारल्यावर अभियंता श्रीमती साळवे कोणतेही ठोस उत्तर देऊ शकल्या नाहीत. उलट पत्रकारांशी व आंदोलनकर्त्यांशी आरेरावी करत असल्याचे चित्र दिसले.

📞 अधिकाऱ्यांची समजूत, लेखी आश्वासन

७ जुलै रोजी चवरे यांनी आत्मदहनाचा इशारा दिल्यानंतर ते पाण्याच्या टाकीवर चढले. त्यावेळी जलजिवन मिशनचे वरिष्ठ अधिकारी व पोलिसांनी संपर्क साधत त्यांना आश्वासन दिले. उपविभागीय अभियंता साळवे मॅडम यांनी लेखी आश्वासन दिल्यानंतर आंदोलन तात्पुरते स्थगित करण्यात आले.

📢 दशरथ चवरे यांचा इशारा:

“जर लेखी आश्वासनानुसार तक्रारीची योग्य दखल घेतली नाही, तर आम्ही पुन्हा उग्र स्वरूपाचे आंदोलन करू,” असा इशारा चवरे यांनी माध्यमांशी बोलताना दिला.

🫱‍🫲 मध्यस्थांची भूमिका:

या प्रकरणात सहाय्यक गटविकास अधिकारी अभिमान राठोड, पोलीस निरीक्षक मच्छिंद्र शेंडगे, सहकारी साखर कारखान्याचे संचालक मिनाज पटेल, दादासाहेब ससाने पत्रकार व गावकऱ्यांनी मध्यस्थी करत तात्पुरता तोडगा काढला.

🧭 रोखठोक प्रश्न:

जलजिवन मिशनमध्ये ९० लाखांचे गैरव्यवहार खपवले जात आहेत का?

दोषी अधिकाऱ्यांनाच चौकशी समितीत का घेतले?

पत्रकारांना उत्तर न देणाऱ्या साळवे मॅडमवर कारवाई होणार का?

✊ रोखठोक न्युज या प्रकरणावर सतत लक्ष ठेवून आहे… पुढील अपडेटसाठी वाचा – www.rokthoknews.com